ठाकुरबाबाका मनकारी नगरप्रमुख तिलकराम, असाहय र विपन्नलाई व्यक्तिगत खर्च गर्दै

बर्दिया : ठाकुरबाबा नगरपालिका ९ बेतहनी घर भई हाल वडा नम्बर ८ सुतैया गाउँमा मामाको घरमा बसेका ११ वर्षिय असाहय बालक शिशिर सुनारलाई दुई साताअघि विषालु सर्पले डसेपछि स्थानीय ठाकुरबाबा आधारभुत नगर अस्पतालको सर्पदंश केन्द्रमा उपचारका लागि लगिएको थियो ।
सर्पले डसेको धेरै समय भएकाले अवस्था जटिल भएको जनाएपछि एम्बुलेन्स भाडा र उपचार गर्ने खर्च पनि नभएको भन्दै घर तर्फ फर्काउँदै गर्दा आधारभुत नगर अस्पातालका व्यवस्थापक वेद प्रसाद भण्डारी (विपी) ले मेयर तिलकराम लम्साललाई जानकारी गराएपछि मेयरले आफ्नै खर्चमा तत्काल उपचारका लागि एम्बुलेन्समा बालकलाई भेरी अस्पताल नेपालगंजमा उपचार गर्न पठाएको बाललको ठुलीआमा किरण बिकले जानकारी दिनुभयो ।

‘सर्पले डसेपछि स्थानीय अस्पालसम्म लग्दा अवस्था गम्भीर थियो, उपचार हुँदैन अब बाँच्दैन, अन्त टाढा लैजाउँ भने खर्च छैन, झारफुक गराउँछु, बरु घर लैजान्छु भनेकी थिँए, मेयर तिलराम लम्सालले आफै खर्च दिएर नेपालगंज पठाउनुभयो’ किरण बिकले भन्नुभयो । नेपालगंजमा ७ दिनसम्म पनि सुधार भएन, आफन्तसंग सरसापट गरेर केहि पैसा जोहो गरेर पनि अस्पतालमा उपचार गरायौँ, आँखा पनि नहेर्ने, सिरियस हुँदै गयो, बोल्नेचाल्ने केही नभएपछि सुधार नहुने र आफुसंग भएको पैसा पनि सकिएपछि अस्पतालबाट घर फर्काउन खोजेकी थिएँ,’ उहाँले भन्नुभयो ।

‘अब घर लैजान्छु मरेपनि घरमै त मर्छ भन्ने सोँचेकी थिएँ,’ उहाँले भन्नुभयो । ‘मेयरले जती खर्च लाग्छ, खर्च म दिन्छु, अझैँ केहि दिन उपचार गरौँ, सुधार हुन केहि दिन लाग्छ, मेरो भाईलाई १९ दिन आईसियुमा राखेर निको बनाएर ल्याएको हुँ, बिरामीसंग बस्दिनु, भेन्टीलेटरबाट ननिकाल्नु डाक्टरलाई र मलाई पनि भन्नुभयोे, अनि भेन्टिलेरमा राखेर उपचार भईरहेको छ, ९ दिनमा म घर आएँ, मेरो दिदि बाबुको रेखदेखमा जानुभयो’ उहाँले भन्नुभयो ।
‘आज अस्पालतमा हुनुभएकी दिदिलाई फोनमा कुरा गरेकी थिएँ, बिरामी बाबुको अवस्था केहि सुधार हुँदै गएको छ, उठेको छ, हल्का बोल्छ, अब त बाँच्छ की, मेयरसापले उपचार खर्च दिँदा बालकको ज्यान बच्यो’ खुसी हुँदै किरण बिकले भन्नुभयो । “आशै मारेको बच्चा, मरेपनि मामा घरमै मर्छ भनेर हार खाएका थियौँ, मेयरसापले आफ्नै खर्चमा उपचार गरेर ज्यान बचाईदिनुभयो धेरै खुसी छौँ” उहाँले भन्नुभयो ।
घाईते बालकको अवस्था गम्भीर हुँदै गएपछि नगर प्रमुख तिलकराम लम्साल अस्पताल पुगेर पनि दुई पटक भेट गर्नुभयो । उहाँले आफ्नो व्यक्तिगत खर्चमा भेरी अस्पताल नेपालगंजमा आईसीयुमा राखेर उपचार गर्न र बालकको ज्यान जोगाउन डाक्टरलाई आग्रह गरेपछि आईसियुमा राखेर बालकको उपचार भईरहेको हो । सर्पले डसेका कारण स्वास्थ्य अवस्था गम्भीर रहेका बाललको अहिले स्वास्थ्य उपचारमा केहि सुधार हुन थालेपछि मेयरले बालकलाई बचाउन सकिने भयो भनेर खुसी व्यक्त गर्नुभएको नगरप्रमुखको सचिालय प्रमुख जीवन कंडेलले बताउनुभयो ।
राज्यबाट प्राप्त आफ्नो तलब भत्ता असाहय र विपन्न समुदायको उपचारमा खर्च गर्दै आउनुभएको थियो, त्यही कोषबाट आफुले पनि जतिसक्दो उपचार खर्च व्यहोर्ने मेयरले बताउनुभएको बताउँदै बालकको उपचार र बालकको रेखदेखमा खटिनुभएका आफन्तको खर्चसहित मेयरले अहिलेसम्म ९० हजार रुपैयाँ खर्च दिईसक्नुभएको सचिवालयका जीवन कंडेलले बतानुभयो । घाईते बालकको (बुवा आमा) नभएका कारण उपचार खर्च मेयरले बेहोर्नु भएको हो ।

ठाकुरबाबा नगरपालिका ९ बेतहनी घर भएका कक्षा ३ मा अध्ययनरत ११ वर्षिय बालक शिशिरका बुवा (कारगारमा र आमा बेपत्ता) घरका बाजेबज्यै पनि प्यारालाईसिस भएर थला परेपछि रेखदेख गर्ने कोही पनि नभएकाले बालक शिशिर सुनार मामाघर सुतैयामा बस्दै आएका र दिउँसो घर नजिकै रुखमा खेलिरहेका बेला सर्पले डसेको बालककी ठुलीआमा किरण बिकले बताउनुभयो । अहिलेसम्म उपचारमा मेयरले ९५ हजार खर्च बेहोर्नुभएको उहाँले बताउनुभयो । खुट्टामा डसेको संकेत अनुसार करेत सर्पले डसेको हुनसक्ने अनुमान गरिएको छ । गर्मी मौसममा पानी परेका बेला करेत, गोमन लगायतका विषालु सर्पको विगविगी हुने भएकाले सावधानी अपनाउन आग्रह गरिएको छ । यदी सर्पले डसेमा झारफुकमा नलागी तत्काल उपचारका लागि स्वास्थ्य संस्थामा जान मेयर लम्सालको सुझाव छ ।