बर्दियाबाट वनभोजका लागि दाङ गएको बस दुर्घटना, २० जना घाइते
बर्दिया : बर्दियाबाट दाङको चखौरा वनभोजका लागि गएको बस दुर्घटनामा परेको छ । बस दुर्घटना हुँदा बर्दियाबाट दाङको चखौरा वनभोजका लागि गएकाहरु घाइते भएका हुन् ।
राप्ती राजमार्ग अन्तर्गत दाङको सितलपुर–अमेलिया सडक खण्डको भञ्जाङमा भे. १ ख २०४१ नम्बरको बस दुर्घटना भएको हो । बढैयाताल गाउँपालिका-६, मैनापोखरमा रहेको पिपरहवा कृषि कृषक समूहका सदस्यहरु दाङको दंगीशरण–३ स्थित थारु सङ्ग्रहालय रहेको चखौरामा वनभोजका लागि जाँदै गरेको बस आज बिहान दुर्घटना हुँदा २० जना घाइते भएका छन् ।
इलाका प्रहरी कार्यालय तुलसीपुरका प्रमुख डीएसपी ठाकुरप्रसाद पोखरेलका अनुसारका घाइतेहरुलाई उपचारका लागि दाङको तुलसीपुर र बाँकेको नेपालगञ्ज पठाइएको छ ।
