बबई नदिमा आएको बाढिमा बगेर बर्दिया गुलरियाका ३ जना बेपत्ता
बर्दिया : बर्दियाको बबई नदिमा आएको बाढीले बगाएर तीन जना बेपत्ता भएका छन् । लगातारको अविरल वर्षाका कारण बबई नदीमा आएको बाढीमा परेर गुलरियाका तीन जना बेपत्ता भएका जिल्ला प्रहरी कार्यालय बर्दियाले जनाएको छ ।
बेपत्ता हुनेहरुमा बर्दिया गुलरिया नगरपालिका वडा नम्बर १२ भैंसाहीका अन्दाजी ३० वर्षिय बालकृष्ण थारु र वडा नम्बर ८ थपुवा गाउँका अन्दाजी २३ वर्षिय अक्षय थारु र अर्का एक जना गुलरियाको पण्डितपुरको परिचय खुल्न बाँकी रहेको जिल्ला प्रहरी कार्यालय बर्दियाका प्रहरी नायव उपरीक्षक हिक्मल बहादुर बोहोराले जानकारी दिनुभयो ।
बेपत्ता भएकाहरुको नेपाल प्रहरी, नेपाली सेना र शसस्त्र प्रहरी सहितको टोलिले खोजी भई रहेको जिल्ला प्रहरी कार्यालय बर्दियाका डिएसपी बोहोराले बताउनुभयो ।
लगातारको अविरल वर्षाका कारण बबई नदीमा पानीको सतह बढ्न थालेको छ । हिजोदेखि लगातार परेको पानीले बबई नदीमा पानीको सतह बढेको हो । नदीमा पानीको सतह बढेसंगै नदी तटियक्षेत्रका बासिन्दाहरुलाई उच्च सतर्कता अपनाउन जिल्ला प्रशासन कार्यालय बर्दियाले आग्रह गरेको छ ।
