दैलेखमा ग्याँस सिलिन्डर बोकेको ट्रक दुर्घटना, ३ जनाको मृत्यु

सुर्खेत : ग्याँस सिलिन्डर बोकेको ट्रक दुर्घटना हुँदा ३ जनाको घटनास्थलमै मृत्यु भएको छ । नेपालगन्जबाट दैलेख जाँदै गरेको भे. १ ख २२०१ नम्बरको ट्रक गुराँस गाउँपालिका–४ मा दुर्घटना भएको हो ।

मनकामना ग्याँस बोकेको ट्रक सडकबाट अन्दाजी १५० मिटर तल खस्दा ट्रकमा सवार ३ जनाको घटनास्थलमै मृत्यु भएको जिल्ला प्रहरी कार्यालय दैलेखका डीएसपी किशोर लम्सालले बताउनुभयो । मृत्यु भएका ३ जनाको सनाखत हुन बाँकी रहेको प्रहरीले जनाएको छ ।