बर्दियामा भएको सडक दुर्घटनामा एक जनाको मृत्यु
भुरीगाउँ, बर्दिया : भुरिगाउँ–गुलरिया हुलाकी सडकखण्ड अन्तरगत पर्ने ठाकुरबाबा नगरपालिका–५, बनकट्टि गाउँ नजिक मिनि ट्रक र मोटरसाइल ठोक्किँदा एक जनाको ज्यान गएको छ ।
भुरिगाउँबाट बनवीरपुर तर्फ धान लिएर जाँदै गरेको भे. १ ख ३८३७ नम्बरको मिनि ट्रक र बिपरित दिशाबाट आएको भे. ७ प ४६८२ नम्बरको मोटरसाइकल आपसमा ठोक्किँदा ठाकुरबाबा नगरपालिका–५, शाहिपुरका २६ वर्षिय आशिष थारुको घटनास्थलमै ज्यान गएको इलाका प्रहरी कार्यालय बगनाहा भुरिगाउँले जनाएको छ ।
मिनि ट्रक र चालकलाई नियन्त्रणमा लिई इलाका प्रहरी कार्यालय ढोढरी पठाईएको इलाका प्रहरी कार्यालय बगनाहा भुरीगाउँका प्रहरी निरिक्षक पवन पछाईले जानकारी दिनुभयो ।
