ठाकुरबाबामा बडघर तथा चौकिदारलाई सम्मान

भुरीगाउँ, बर्दिया : ठाकुरबाबा नगरपालिकामा वडघर तथा चौकिदारहरुलाई सम्मान गरिएको छ । असोज १४ गते शुक्रबार एक कार्यक्रमको आयोजना गरी ठाकुरबाबा नगरपालिका वडा नम्बर १ ले बडघर तथा चौकिदारहरुलाई सम्मान गरेको हो ।

गाउँमा केहि सूचनाहरु दिनुपर्दा तथा कार्यक्रमहरु संचालन गर्दा स्थानीयहरुलाई एक ठाउँमा जम्मा गरेर राख्ने काममा बडघर तथा चौकिदारको भुमिका महत्वपूर्ण हुने भएकाले बडघर तथा चौकिदारले निर्वाह गरेको भुमिकाको कदर स्वरुप सम्मान गरिएको वढा नम्बर १ को कार्यालय भुरीगाउँले जनाएको छ ।

बडघर तथा चौकिदारहरुले गरेको कार्यको मुल्याकंन गरेर वडा नम्बर १ ले सम्मान गरेकोमा ठाकुरबाबा नगरपालिकाका नगरप्रमुख तिलकराम लम्सालले वडा कार्यालयलाई धन्यवाद समेत दिनुभएको छ । कार्यक्रममा बोल्दै नगरप्रमुख लम्सालले आगामी दिनमा ऐन बनाएर बडघर र चौकिदाररुलाई अधिकार दिलाउने प्रतिवद्दता समेत व्यक्त गर्नुभएको छ ।

बडघर तथा चौकिदारहरुलाई सम्मान कार्यक्रममा ठाकुरबाबा नगरपालिकाका नगरप्रमुख तिलकराम लम्साल, जिल्ला समन्वय समितीका प्रमुख सुर्य बहादुर बिष्ट, नेउलापुर स्वास्थ्य चौकिका इन्चार्ज राजेन्द्र सुवेदि, बडघर तथा चौकिदार लगायतको उपस्थिती रहेको वडा नम्बर १ का वडा सचिव केशब प्रसाद खनालले जानकारी दिनुभयो ।