बढैयातालबाट १७ हजार बढीको भन्सार छलेको सामाग्री फेला

मैनापोखर, बर्दिया : बढैयाताल गाउँपालिका वडा नम्बर २ फुटाहाबाट भन्सार छली चोरी निकासी पैठारी गरिएको बेवारिसे सामान प्रहरीले फेला पारेको छ ।

शनिबार विहान १० बजे तिरको समयमा इलाका प्रहरी कार्यालय मैनापोखरबाट खटिएको प्रहरी टोलीले भारतबाट भन्सार छली चोरी निकासी पैठारी गरी नेपाल भित्राएको अबस्थामा सामान फेला परेको हो । फेला परेको सामाग्रीमा अन्दाजी १७ हजार १४० रुपैयाँ मुल्य बराबरको पोलेथिन, चुरन, डटपेन, पेन्सिल, लड्डु मिठाई र मिल्क मिठाई रहेको जिल्ला प्रहरी कार्यालय बर्दियाका सूचना अधिकारी प्रहरी नायव उपरीक्षक हिक्मत बहादुर बोहराले जानकारी दिनुभयो ।