क्यान्सर पीडित कस्तुप खड्काको उपचारका लागि सहयोग जुट्दै, १ लाख बढि रकम संकलन

बर्दिया : रेडियो टाइगरको टाइगर खबर, अनलाइन संवादसंगै विभिन्न सन्चार माध्यम मार्फत् रेडियो, अनलाइन, पत्रपत्रिकामा समाचार प्रसारण, प्रकासन भएपछि र सामाजिक संजाल मार्फत् रेडियो टाइगर सहकर्मी पत्रकार हरि गुरुङ्गले कस्तुप खड्का बचाउ अभियान सुरु गरेपछि क्यान्सर पीडित खड्कालाई आर्थिक सहयोग जुटीरहेको छ ।

बर्दियाको मधुवन नगरपालिका वडा नम्बर १ सुर्यपटुवा डल्ला गाउँकी प्रतिमा खड्काका छोरा क्यान्सर पीडित कस्तुप खड्कालाई मधुवन नगरपालिकाका विभिन्न वडाबाट मनकारी महानुभावहरुले अहिलेसम्म सहयोग स्वरुप संकलन गरेको १ लाख २० हजार ५०० रुपैयाँ कस्तुप खड्का बचाउ अभियानका अभिकर्ता हरि गुरुङ्गलाई हस्तान्तरण गरिएको छ ।

क्यान्सर पीडितको उपचारका लागि सहयोग गर्नेहरुको नामावली

मानव धर्मनै ठुलो धर्म भएकाले सम्पुर्ण बर्दियाबासी महानुभावहरुलाई क्यान्सरबाट पीडित कस्तुप खड्काको जीवन बचाउन आफुहरुले सक्ने जती सहयोग गर्न आग्रह गर्दै मधुवन नगरपालिकाबासीले पनि सक्ने जति सहयोग गरेको मधुवन नगरपालिका वडा नम्बर १ सुर्यपटुवाका वडा अध्यक्ष मीन बहादुर थापाले बताउनुभयो । साथै कस्तुप खड्का बचाउ अभियानका अभियानकर्ता रेडियो टाइगर सहकर्मी, नेपाल पत्रकार महासंघ बर्दियाका सदस्य एवम् खाता सामुदायिक वन समन्वय समितिका अध्यक्ष मधुवन नगरपालिका–१ का स्थानीय हरि गुरुङ्गले मधुवन नगरबासी सहित सम्पूर्ण सहयोगी महानुभावलाई मानव धर्ममा लाग्न समेत आग्रह गर्नुभएको छ ।