बर्दिया : बीमा दाबी गर्न आफ्नै बस जलाउने १ जना पक्राउ
बर्दिया : बर्दियामा बीमा दाबी गर्नका लागि आफ्नै बस जलाउने एक जना पक्राउ परेका छन् । आज सोमवार बिहान मधुवन नगरपालिकाको पक्की सडकमा लु. २ ख २०८४ नम्बरको बस आगो लागिरहेको अवस्थामा रहेको जानकारी पाएपछि प्रहरी घटनास्थलमा पुगेको थियो ।
त्यसपछि अनुसन्धान गर्दा गाडी चालक रामु चौधरीले नै बसमा आगो लगाएको खुलेको जिल्ला प्रहरी कार्यालय बर्दियाले जनाएको छ । बस बिग्रिएकोले मर्मतका लागि ग्यारेजमा लिएर गएकोमा खर्च धेरै लाग्ने भएपछि चौधरीले बस जलाएको बयान दिएका प्रहरीको भनाइ छ ।
