समाजसेवी बल बहादुर गुरुङ्गको ९८ वर्षको उमेरमा निधन
भुरीगाउँ, बर्दिया : ठाकुरबाबा नगरपालिका वडा नम्बर १ भुरीगाउँ निवासी समाजसेवी बल बहादुर गुरुङ्गको ९८ वर्षको उमेरमा शनिबार निधन भएको छ । यस क्षेत्रमा सुवेदार बुवा तथा सुवेदार बाजे भनेर परिचित बल बहादुर गुरुङ्गको काठमाण्डौमा निधन भएको उहाँका छोरा रेशम गुरुङ्गले जानकारी दिनुभयो ।
उहाँको शव काठमाण्डौबाट बर्दिया भुरीगाउँ तर्फ ल्याउन लागिएको र आइतबार विहानसम्म ल्याइसक्ने पारिवारिक श्रोतले जनाएको छ । दिवंगत गुरुङ्गको शव आइतबार विहान १० बजे बबई नदिमा दाहसंस्कार गरिने छोरा रेशम गुरुङ्गले बताउनुभयो ।
दिवंगत गुरुङ्गले समाजमा दिएको योगदानलाई सदैब सम्झना राख्दै सामाजिक कार्यमा आफुहरु पनि अग्रसर रहने बताउँदै विभिन्न व्यक्तिहरुले सामाजिक संजालमा समवेदना तथा श्रद्धाञ्जली दिइरहेका छन् । दिवंगत गुरुङ्गका ३ छोरा र ३ छोरी छन् ।
