बर्दियामा हात्तीको आक्रमणबाट एकको मृत्यु

बर्दिया : जङ्गली हात्तीको आक्रमणमा परी एक जनाको ज्यान गएको छ । बारबर्दिया नगरपालिका वडा नम्बर ७ का वर्ष ५० का सोलिराम थारूको ज्यान गएको हो ।

पूर्व-पश्चिम राजमार्ग नजिकै ‘मर्निङ वाक’ मा निस्केको बेला थारू हात्तीको आक्रमणमा पर्नुभएको जिल्ला प्रहरी कार्यालय बर्दियाका सूचना अधिकारी प्रहरी नायव उपरीक्षक हिक्मत बहादुर बोहराले जानकारी दिनुभयो ।

पछिल्लो समय बर्दियामा जङ्गली जनावरको आक्रमण बढ्दो रहेको छ ।