विज्ञापन
याे विज्ञापन १० सेकेण्ड सम्म देखा पर्नेछ। त्याे भन्दा अघि नै हटाउन चाहनुहुन्छ भने माथीकाे हटाउनुहाेस् बटनमा थिच्न सक्नु हुनेछ।

अज्ञात व्यक्तीले चलाएको गोली लागेर बर्दियामा एकको मृत्यु

गुलरिया, बर्दिया : गुलरिया नगरपालिका वडा नम्बर ३, का हेमराज गोडियाको भारतीय जंगलमा गोली लागेर मृत्यु भएको छ । भारतको जंगलमा निउरो टिप्न गएका गोडियालाई अज्ञात व्यक्तीले चलाएको गोली लागेर मृत्यु भएको परिवारीक स्रोतले जनाएको छ । दायाँ खुट्टामा गोली लागेको उनलाई अस्पताल लैजाँदै गर्दा मृत्यु भएको प्रहरीले जनाएको छ ।

बिहिबार विहान करिब १० बजे सिमावर्ती भारतीय जंगलमा निउरो टिप्न गएका गोडिया साँझ अवेर सम्म नफर्किएको र राती ८ बजे तिर फोन गरेर आफुलाई गोली लागेर घाईते भएकोले लिन आउन भनेको भनेको श्रीमती मर्री गोडियाले बताउनु भयो । खोज्दै जाँदा खेतमा अर्धबेहोस भएर लडेको अवस्थामा भेट्टाएर ल्याएको कृतक की श्रीमतीले बताउनु भयो ।

मृतककी श्रीमती मर्रीका अनुसार घरमा ल्याएर पानी खुवाएपछि बेहोस भएको र अस्पताल लैजानेक्रममा मृत्यु भएको हो । समयमा एम्बुलेन्स नआउँदा अस्पताल लैजान ढिला भएको मृतकका छोरा अंगद कुमार गोडियाले बताउनु भयो । उहाँका अनुसार दुई ओटा एम्बुलेन्सलाई फोन गर्दा नेपालगञ्ज भएको बताएपछि तेस्रो एम्बुलेन्समा अस्पतालमा पुर्याइएको थियो ।

बर्दिया अस्पतालको अकस्मीक कक्षको रेकर्ड अनुसार राती १० बजेर २० मिनेट जाँदा हेमराज गोडियालाई मृत्यु भइसकेको अवस्थामा अस्पताल पुर्याईएको थियो । गोली लागेर अत्याधिक रक्तस्राव भएको कारणले मृत्यु भएको अनुमान गरीएको छ ।

बर्दियाका डिएसपी सुर्य सुवेदीले गोली कसले कसरी चलाएको हाल सम्म जानकारी नभएको बताउनु भयो । डिएसपी सुवेदीका अनुसार घरपरिवारबाट भारीतय जंगलमा निउरो टिप्न गएको बेलामा गोली लागेको जानकारी आएको आधारमा मुद्दा दर्ता गरी अनुसन्धान प्रक्रिया अगाडी बढाईएको छ । शवको पोष्टमार्टम गरी आफन्तको जिम्मा लगाईएको सुवेदीले बताउनु भयो ।

Loading...