ठाकुरबाबा : ९ को वडाअध्यक्षमा राधा चौधरी प्यानल सहित निर्वाचित
भुरिगाउँ, बर्दिया : स्थानियतह निर्वाचन अन्तरगत ठाकुरबाबा नगरपालिका वडा नम्बर ९ को मतगणना सकिएको छ । वडा नम्बर ९ को वडाअध्यक्षमा राधा चौधरी प्यानल सहित निर्वाचित हुनुभएको छ । चौधरी नेकपा माओबादी केन्द्रका तर्फबाट वडाअध्यक्ष पदको उम्मेदवार हुनुहुन्थ्यो । २७१० मत खसेकोमा चौधरीले ९७८ मत प्राप्त गरी विजयी हुनुभएको छ, उहाँका निकटतम प्रतिद्वन्दी नेपाली काँग्रेसका जय बहादुर बमले ८४० मत प्राप्त गर्नु भएको छ भने नेकपा एमालेका प्रमिल नेपाल खनालले ६१८ मत प्राप्त गर्नुभएको छ ।
राष्ट्रिय प्रजातन्त्र पार्टीका लीला खड्काले १९ र नेकपा एसका जित बहादुर खड्काले १२ मत प्राप्त गर्नुभएको छ । नेकपा माओबादी केन्द्रको तर्फबाट उम्मेदवार बन्नुभएका महिला सदस्य साबित्रा थापा ९६६, दलित महिला सदस्य सुन्तली कामी ९८७, खुल्ला सदस्य भिखनी थारु ९४६ र राजाराम थारु ९४३ मतका साथ विजयी हुनुभएको ठाकुरबाबा नगरपालिका निर्वाचन अधिकृतको कार्यालय, सैनवारले जनाएको छ । यस वडामा अघिल्लो स्थानियतह निर्वाचनमा नेकपा माओवादी केन्द्रका उम्मेदवार राधा चौधरी नै निर्वाचित हुनुभएको थियो ।
ठाकुरबाबा नगरपालिका वडा नम्बर ९ को अन्तिम नतिजा :
